Katika miaka ya 1950 na 1960, Rais Gamal Abdel Nasser wa Misri na Mwalimu Julius Nyerere wa Tanzania walijitokeza kama miongoni mwa viongozi mashuhuri wa Afrika katika harakati za kupigania uhuru. Misri ilitoa msaada wa kisiasa na kidiplomasia kwa harakati za ukombozi barani Afrika, huku Tanzania ikiwa taifa la mstari wa mbele lililotoa hifadhi, mafunzo, na msaada wa kimkakati kwa harakati za ukombozi kutoka Kusini mwa Afrika.

Ziara ya Kiserikali ya Rais Abdel Fattah El-Sisi inaashiria urafiki wa kudumu kati ya Tanzania na Misri, ikiimarisha ushirikiano uliojengwa juu ya urithi wa pamoja wa ukombozi. Aidha, ziara hii inafungua fursa mpya za kuimarisha ushirikiano katika maendeleo endelevu, ustawi wa pamoja, na maendeleo ya Afrika kwa manufaa ya vizazi vya sasa na vijavyo.